六合彩

今次係我人生第二次買六合彩，第一次一個字都無中到，個次之後諗住以後都唔會再玩，因為覺得自己本命係無橫財，尤其係呢d純粹係幸運成份居多嘅事(由細到大，抽咩都倫唔到我，有陣時因為有要事無出席一d場合，個次抽奬就即中，仲要係大份個d，但係通常d無咁好嘅嘢就中到應一應)，所以我係一位名燈！

今次再戰江湖因為睇到某一d bloggers佢地好有系統咁分析每期六合彩嘅pattern，有人可能會覺得無聊，有人會深信，就好似求神同問米，最攪鬼嘅係佢地連 sw 都有。所以我想以本人親身試下係堅定流，今朝就用左一個鐘頭到度no.，好彩小弟對數字情有獨鐘，唔會睇到佢地就頭痛(我家姐就會)，終於「度」出一注。