呢排懶左，以前放假都會睇下年報，但係呢排業績報告期反而無乜去睇。通常都係睇下報章嘅摘要，睇下業績對唔對辦；相反，多左留意各國嘅經濟數據，雖然係滯後數據，但都有參巧價值。仲有留意多左中國領導人嘅演講，諗下佢地下一步想點。

內地網民同股民成日都祈望政府救市，一時傳下減印花稅，一時傳限制大小非減持行動，一時又傳......

試想下，內地領導會唔會係而家中個經濟受外部衝擊同內部高通脹，人民生活有危機同動盪下去理股市。雖則都係中個人，我諗股民大多數都係至少有得食，當然有少數祈入市博發達，但係多好多人受緊食品價格急升，有錢都買唔起嚟食，梗係搞掂呢樣先。至於幾時會出手，好大可能要睇到個CPI有回落趨勢，咁先有得諗！

另一方面，阿爺都想同人民上下投資堂，比佢地感受下痛苦，一個細佬仔唔跌過係唔會識得自己行，唔好講走添啦！如果係呢個時候出手，只會越來越受保護，第時資本管制開放個陣時咪比外資當水魚咁禁！阿爺絕對唔想見到咁嘅情況！但係唔排除到左某D時間出下口述。

但係唔好咁大祈望，當心「希望越大，失望越大」。

要睇下一個星期上證會唔會破3000，穿嘅話2823有機到15，開始吸引！