Wednesday, July 22, 2009

出手

買入奧思(1161),買入原因:
1. 受經濟周期影響較少
2. 積極發展內地業務,有內需概念
3. 技術上接近三月低位,而息率吸引,防守性高

Saturday, July 18, 2009

市場實況(2)

差唔多兩個禮拜無更新博客(部落格),今個月嘅焦點:
1. 新股熱潮
2. 美國企業業績公報期
3. 中國半年經濟數據

美國企業業績
1. 第二季股市上升,經濟數據有好有唔好,令到某些企業受惠,另一些企業挨打,市場對標普第二季業績同比下降35%。

2. 今個星期,高盛、摩通、美銀、citi、IBM等業績都好過預期,唔多唔少都會令到分析員對未來企業嘅業績有好嘅期望;雖則GE、GOOGLE、DELL等都差過預期,但市場無視之,繼續我行我素。

3. 今次想討論下高盛嘅業績。自從五大投行到兩大,再變身做商行,高盛嘅市場分額提升不少。亦令到佢第一季同第二季中嘅業績令人喜出望外。但細節有無魔鬼呢?
a) 投資業務增幅驚人,尤以自身交易為甚,而VAR亦都相對上高,係第一季同第二季股市同債市嘅表現嚟講,呢方面其實係可預視到嘅,只不過係做唔到咁勁啫!
b) 呢排講得好"恒"嘅PT(程式買賣),原來高盛係佔去紐交所一半至百分之六十嘅份額,所以有言論講佢係度控制市場咁喎(其實諗嘅方向正確,睇本周嘅市場己經知,後補),有研究表明,PT嘅年利潤為21 billion,而紐交所佔去其中嘅百分之三十。換言之,高盛當中嘅利潤估計為3-4billion。
c) 上述嘅利潤資金其實係由美國tax paryer 而來,可以講話無本生利。
d) 若果要季季都咁有錢賺,你係高盛會點做?小弟即刻諗到嘅係要市場大幅上落,唔係牛皮市點玩呀?

4. 另,新屋動工數字出左,按年率計升3.6,係海嘯後新高。表面上睇樓市有轉好跡象,但睇真下,個estimate error 係 +/- 11.3%,個range 咁大,玩哂啦!

嚟緊仲係美國嘅業績潮,頭炮咁強,唔多唔少都會影響到市場對後尾嘅期望,希望唔好演變成希望越大、失望越大!

(待續....)

市場實況(1)

差唔多兩個禮拜無更新博客(部落格),今個月嘅焦點:
1. 新股熱潮
2. 美國企業業績公報期
3. 中國半年經濟數據

由尾講起,星期四中國出左半年經濟數據:
1. 上半年GDP增長7.1%,第二季度為7.9%,其中消費拉動為3.8%,固投拉動6.2%,淨出口拉動-2.9%,可見出口仍然嚴峻,多數由消費同固投填補空缺,消費尤其可觀,但要留意嘅係,今次統計將房地產由固投轉過去消費,先會令消費看上去有增長,若減去有關事項,可見消費並無增加,但無論如何,係外國仲講緊倒退幾多時,中國仲可以保持係高單位數字增長,實在太勁;照情況睇,今年要做到保八應無問題。

2. 上半年新增貸款7.53億元人民幣,2009年應該會超過十萬億元人民幣。M2 同比增28.5%,M1 同比增24.8%,M0 同比增11.5%,可見四萬億資金嘅效應發揮功效:投資資金增加,流通貨幣增加,證明資金對前景有信心,開始尋求風險回報(股市同樓市嘅火熱)。

3. 實體經濟方面,受惠國家政策嘅行業利潤同比有增長,相反中小企由於銀行借貸系統傾向國企同大企業,變相阻礙它們嘅發展,唔少實力同資金都唔夠嘅中小企都面臨倒閉命運!可見經濟有好亦都有唔好嘅一面。慶幸發電量、PMI都顯示出中國經濟回暖嘅事實。

4. 居民收入方面,除工資收入外,轉移性收入大幅增長,因受惠於中國政府嘅XX下鄉政策;而財產性收入亦都因為股市同樓市嘅上升都有不錯嘅升幅。其中農民收入增幅大過城鎮居民收入。

5. 消費價格繼續下降,當中尤以生產物價較大。CPI 同比減1.1%,PPI同比減5.9%,70大城市房屋銷售同比減0.8%(其中6月同比上升0.2%)。

以上數據都表明左中國經濟己經由底部慢慢回穩,所以下半年中國經濟可看高一線!但有幾樣要留意:
1. 政策並不急於回收流動性,隱約指出經濟回復並不是太穩。

2. 按過去紀錄,政府係控制經濟力度往往會過份(即太寬鬆或太緊),導致起伏大,往往造成不必要嘅傷害。

3. 資金氾濫下,會衍生出資金配致不到位,又或者流向虛疑經濟,容易造成浪費、粗放式增長、及泡沫。

以上嘅事項要密切留意!

(待續...)

Wednesday, July 01, 2009

回顧與展望(2009)

上半年市況
1. Green shoot 之說起,乃因經濟數據惡化程度有所放緩(即 better than expected),傳統嘅領先數據亦都顯示出經濟最壞情況己過,回暖不過是時間問題。各國政府向市場注入天文數字嘅資金開始發揮作用,令到最敏感嘅滙、股市係第二季開始調頭向上。

2. 繼通縮之說,而家市場擔心嘅係往後嘅超通問題,通脹預期令非美元外幣上升,商品、黃金等亦都有大量資金進入作投資/機;樓市方面,買樓保值嘅念頭再起,兩地樓市熱鬧,樓價重返雷曼前價位,甚至再創新高。

下半年展望
1. 股市能否維持取決於09年各公司嘅半年業績能否合符期望,但個人認為會區域震盪,除突發事故,估計大約在16000-21000 點行range。
a) 美國:失業率繼續上升,家庭係減債同收入不穩下會減少消費,引致儲蓄率上升,經濟只靠政府投入而弄致半死不活。
b) 歐洲:銀行問題較美國嚴重,出口無以為繼。(唔係好識睇)
c) 新興市場:儲備充兄,但因經濟轉型,徘徊低增長率
i) 中國:出口仍然嚴峻,內需亦未能填補缺口,增長率視乎政府投入及政治因素
ii) 香港:以出口/轉口貿易、金融為主嘅經濟體受嘅傷害好大,中小企投入減少及節流之下,經濟(主人)與股樓(狗)始終不能距離太遠。

2. 通脹似有若無,通脹預期嘅商品上升熱情減退;另一方面,經濟不能v型反彈,造成一個調整籍口。

隱憂
1. 大量資金流入,但大部分注入虛擬體系,只有少部分投入實體;當數據未能進符合預期,對市場會造成另一波震盪。
2. 黑天鵝事件嘅發生。
3. 未能被人注意但後果嚴重嘅事件(主要係歐美):
a) 優按、alt-a 市場嘅違約事件
b) 樓房嘅重訂利率問題
c) 個人消費信貸惡化
d) 州政府赤字問題
e) 歐洲銀行系統性風險
f) 中東、朝鮮問題
4. 中國被寄於厚望,壓力下嘅表現會否失色?市場又點反應?
5. 抄賣商品與實際情況背馳,另一泡沫嘅爆破?
6. 樓房與個人能力、市場現實脫離,低息能否維持(不論是各國政府加息 --- 機會微,或是銀行維持息差所作出嘅行動,或是資金流出銀行體系嘅後果),都會對樓市造成直接衝擊。

Green shoot
1. 極低借貸成本,導致私人投資增加,即資金由虛擬體系轉入實體,經濟由低谷走出,進入良性偱環。
2. 新興體系轉型成功,與歐美等地decouple,又或者咁講,所受影響不如以往。

一方面自己想隱憂出現(好似好黑心咁,想入多d貨),一方面又想經濟好(起碼自己唔駛驚無左分工,個個面口好苦),點都好,呢一點睇法,對於自己係下半年嘅投資策略好大影響,呢幾日會諗點步署,原來唔覺唔覺自己太重cash,應該係時候做嘢!

回顧上半年

話咁快2009年又過左一半,發生嘅事太多,不過多數都唔係太關自己事;自己己經二十頭嘅一半,距離自己嘅目標仲有大部分,究竟可唔可以達到呢?回顧下自己嘅事先:

1. 新工算過左probation,但係文化上仲係未融合得到,始終我呢d火星人好難同地球人溝通!工作量算ok,唔駛成日ot (其實無講到明要你o,o 唔 o 係自己話事,有同事係公司通頂,自己就六半至七點前都會走,除非有人煩住你),係咁嘅時勢下都叫做唔錯咁啦!

2. 健康方面,差過舊年,雖則無乜小病,但係一病就嚟大嘅,洗左唔少錢

3. 好少講嘅情!愛倩方面都係獨對空房;友情又係君子之交,各有各忙;親情就無咁多爭吵,融洽左,可能懂得體諒大家啦!

4. 財運方面,嚴重跑輸恒指同國指,不過總好過美股嘅!

嚟緊呢半年嘅目標,希望能達到一半以上:
1. 專注、努力工作,唔希望博出位,唔駛咩鑊!
2. 注意飲食,保持身心健康!
3. 關心自己投資/機組合,上半年無乜點理,跑輸大市係應份嘅!
4. 調整個人理財理念,半年嚟聽得太多雜音,失去左本來嘅理念,導致自己係第二季得個望字,估計需時大約1/2-1個月去調整,希望下半年能有所長進!
 
Design by Free WordPress Themes | Bloggerized by Lasantha - Premium Blogger Themes | Best Web Hosting