母親節

今日係母親節，好多孝順仔女會安排好多活動同阿媽一齊，例如一朝早飲茶(不過好似貴過平時假期3-4成)，跟住送上鮮花同禮物，帶佢地周圍玩咁！我屋企就怪 d，一切都好平淡，我同家姐都無點表示，一嚟阿媽成日同我地講唔需要搞咩"花神"(女人係口不對心，我知佢好想收到花同禮物)，二嚟係唔係今日送嘢先代表你孝順呢？點解唔平日多點關心自己父母，要到呢d日子先做嘢呢？如果我係做人老豆，我情願個仔女平時同我傾下，得閒出下街睇嘢，買下嘢比自己(幾$$唔緊要，最緊要係有心)，好過一年得今日又或者父親節先有d咁嘅節目，平時想見下都難(有d甚至要booking 添)，再甚者雖然日日見，但係一個月都唔知有無對話超過十句。

其實作為父母，最想睇到個仔女健健康康，齊整同見多幾面，傾多幾句，我阿媽要求好細，只要見佢多d，返下屋企食下飯同飲下佢煮嘅湯，得閒比d零用佢，個人無穿無痛，己經滿足。物質上嘅嘢反而無心靈上嘅重要。自己都係打工仔，呢排真係多左無係屋企食飯，返到屋企己經好攰，好早就訓教，所以阿媽都多左怨言，所以我決心之後多點回家食飯，就算幾攰都會同佢傾下謁。

我並唔係反對今日母親節d人嘅行為，但係認為若果有心嘅話，日日都係每親節，唔需要一定係今日先做！中國人有一句話「樹欲靜而風不息，子欲養而親不在」

最後送上一首哥
身體健康