個人對市場同blog界嘅一點感想

1. 東尼睇淡中國？？
係20/06/2008 東尼日誌入邊，東尼講左一句話令我諗到佢唔係太睇到2008年第四季到2009年中國股市，定係我諗多左，太過敏感呢？

不過，看到國內A股市場的跌勢未止，大家亦有理由想想這次跌市將會持續多久。但與此同時，當A股市場去年表現異常強勁之際，升勢持續到10月時，人人都提出警告，包括我自己在內，指這些價格將難以維持，因為高得荒謬。買家全都是投機炒作的人士，只是著眼於沽出獲利。

這市場現已足夠地低，可以形成底部。毫無疑問，現價普遍仍然有點昂貴，但在合理地短暫的時間內，這些價格看來便宜，特別是可以被稱為藍籌股的股份。

2. blog 界風雲
前排blog界有兩次因為一隻或兩隻股票而發展成兩個唔同意見嘅「勢力」，佢地以唔同角度去對嗰隻股票發表言論。係香港，又或者一個言論自由之都，唔同人有唔同意見好正常。作為一名所謂嘅「投資者」，對唔同嘅觀點應該要尊重。就算巴菲特，soros，jim rogers、東尼、林sir都有佢地唔同嘅觀點，有陣時會同自己嘅諗法係相反，甚至佢地幾個當中都有相反嘅意見，但係佢地都有一個共通點，信任自己，又接受唔同嘅觀點(改唔改變都唔係咁重要)。

第一次係理性發表意見，雖然喺言語上可能有d過左火位，但係睇得出係無針對性；第二次就有點兒那個。你可以唔接受人地嘅意見，但無理由要將人地blacklist，呢d叫無眼屎乾淨盲，你唔理唔代表唔係度，咁樣做只會令人覺得係一個心胸x窄嘅人，連容人意見都無，有幾多錢都無人會尊重。

唔講啦，費時比人blacklist兼洗版！

3. 一點斷斷續續嘅諗法
a. 黃金有跡象轉強，可能預示惡性通脹重臨。
b. 人民幣升值快左，但係太快對出口企業壓力大，對於將來有危機
i. 出口佔gdp 2x%，係投資減速、消費跟唔上嘅情況下，要控制得宜避免硬着陸
ii. 當到左外資嘅估計程度，唔排除會走資，係一個計時炸彈，可參巧越南同印度
iii. 話則升值，但係喺對外升值，對內貶值(熱錢太多嘅後果)
iv. 挾人民幣升值嘅中國概念股，盈利會唔會回歸平淡？
c. 環球經濟前景唔太睇好，各國都有佢嘅難處(美國次按，新興市場通脹，歐州就乜都有，仲慘過美國，中東局勢唔穩定)

而家諗緊點可以係來通張狂升之下保本，升唔升到值係次要，有無咩意見呢？