無得估

今日星期三，今朝無市，但係想講下星期一同星期二嘅港股

星期一，恒指承接美股上星期五跌勢，恒指低開339點，見22,385後，下午一度反彈上22,830點，收報22,714點，跌30點，成交597億元。對於某d跌左追沽，升翻平倉，再調頭開call嘅散戶真係左一巴右一巴咁比有心人玩。

星期二，恒生指數跌258.94，收22456.02；成交591.7億元。星期二係星期一嘅相反，係外圍無乜大跌及壞消息之下，恒指係收市前突然以大成交向下，好似自成一角咁，出面咩風風雨雨都同佢無關。

係唔夠600億成交之下，有心人能夠以相對上少嘅資金嚟搵食，係呢d市況，最好都係做下旁觀者，費時令心理壓力加重！

睇明報先知，資金有外移亞洲區嘅跡象，以印度、台灣同韓國為首，以香港就唔係太知，雖然三個月同業折息無上升，仲跌左，但係呢個現象可能係因為喺負利率嘅情況下資金多左有關，睇翻金管局嘅貨幣基礎係少左。

資金密密流出亞洲區，有以下可能
1. 估值太高
2. 歐美個邊有麻煩嘢，需要資金救忙
3. 半年結，趁高減持
4. 商品市場火熱，為左業績要做羊咩咩

點都好，呢個現象要密切留意，再持續落出，對整個亞洲區嘅股市嚟講會有負面因素。