美國加息？

利率期貨己經顯示，有廿幾巴仙嘅人估計今個月會加四分之一，而「啍哈」二將都不約而同咁出左口術話會加息，所以呢幾日美元有d反彈，外幣同商品都有d反應。

但係喺樓價並未止跌，斷供數字上升嘅情況下，加息咪更加令到呢個情況惡劣，睇明報知道聯儲局其中一位人兄所講嘅嘢對加唔加息有d啓示：

聯儲局副主席Donald Kohn在今天就通脹發言，主題環繞著油價與通脹的關係。發言重點有:
1)急升油價對未來通脹率只有輕微影響;
2)通脹預期有向上趨勢;
3)油價標升後，適當的金融政策會容忍暫時性的失業率及通脹上升;
4)個別相對價格趨勢本身不會引致長遠通脹率的改變。
Kohn是聯儲局重要成員，他這篇對通脹態度溫和的演詞明顯被傳媒漠視，彭博通訊頭條對此提也不提。原因?傳媒主觀上只對加息反通脹的消息有興趣。

照牌面睇，上次會議有兩位反對減息，我估今次會多左，但係夠唔夠數令到加息呢？我唔覺得唔會。相信伯南克係出口術多過有動作，加息只會令到美國呢個半死不生嘅經濟一下子死火，唔駛等到大選布殊己經要落台，係我嘅話，我就一於拖得咁耐得咁耐，接左手睇阿頭做人，始終佢都係打份工啫！