Thursday, October 29, 2009
Jay
但係個AGENT都幾惡下，語氣係想我快D去，唔好拖泥帶水。所以問過下人之後，決定聽日去見下，證實下自己係呢個市場嘅定位係邊。同埋想睇下份工係唔係付合自己。
講真，而家呢份都幾好，嘢有陣時係會趕D，但係工作氣氛、同事相處都比起先前幾間都稍好。最緊要嘅係自己係度一年，其實講真唔會有太多嘢可以學到，自己做過嘅PROJECT都係得個兩個咁大巴，學到D乜呀！
第二件CONCERN嘅係自己本身份RECORD，四年入邊做過三份工，每一份工都無超過二年，好難係工作上有所發揮，所以做極都係JUNIOR POST。唔似自己同期嘅朋友仔咁，升職嘅升職，加人工嘅加人(指嘅係同一間公司內加人工／升職）。每次薪金上調都係跳蹧造成。年紀己經唔細，唔可以再係咁MOBILITY，要搵一份真係做至少三年以上嘅工去發揮，起碼學更多有關MANAGEMENT嘅SOFT SKILL，做到LEADER 更好，呢樣嘢係讀唔翻嚟，一定要實踐。
所以，估計自己會轉工多一、兩次就要定落嚟，係個行好好發展落去（除非行業有問題啦），到左中年時，可以做到中上管理層，夠食夠住就好架啦！
Posted in: 事業
3 comments:
我自己都係四年幾做左四份工，而家見工ｄ老細唔多鐘意．．．．ｃｖ花晒
我諗你都唔好成日轉...
我經驗覺得上management通常都係要係一間公司耐....
可唔可以分享多一點你嘅睇去，始終自己左搖右擺，三心兩意，一方面想留係舊公司儲經驗，一方面想搵多D，好難選！
我既意見係，適量既轉工响現代係需要既，因為你唔轉，老闆係永遠唔會自動加到你最有利既人工！
至於話驚轉得工多個CV唔好．．．咁就要睇你一路係做開咩公司．．．因為如果你做開嗰啲係細／全行都知係衰既公司，咁人地in你嗰時覺得你轉係情有可原．．．．
但相反，如果你已經係做開大公司都成日轉，下次見工人地就好可能覺得係你有問題囉
我雖然要in人既次數唔多，但呢個係我自己既觀感
Post a Comment