新能源 --- 太陽能(3)

上一篇講到係競爭中應該會出現強者越強，弱者越弱嘅情況，但2008年反而細嘅廠商嘅市場份額有上升嘅趨勢(1)，何解呢？


要解釋，首先要睇下產業嘅慨況！太陽能產品主要為太陽能電池，而太陽能電池可分為三類：

1. 硅基/晶矽電池
2. 薄膜電池
3. 新型電池

硅基/晶矽電池佔去太陽能電池份額超過八成，而硅基/晶矽電池嘅特點係造成供過於求同(1)嘅原因之一。硅基/晶矽電池最大特點在於(a)光電轉換效率高，高於其他類型電池；(b)硅基/晶矽電池的製造原理和過程都和半導體相當接近，因此在半導體生產技術和設備都已經相當成熟，且人才眾多的情形下，(i)設備投入低；(ii)量產速度快；(iii)良率又高

因上述特點，再加上太陽能產業咁壯麗嘅前景及利潤高嘅情況下，太多不知明嘅細廠、唔相關嘅公司都對呢個行業流口水及相繼集資同投入產能去掘金。初時為左賺錢，可以不惜出價格戰。

根據Solarbuzz的資料，多晶硅的現貨市價於二零零八年上半年大部分時間均介乎每千克230美元至每千克375美元，並於二零零八年中升至最高點每千克400美元至450美元，其後下跌至二零零八年第四季每千克約150美元。於二零零九年二月前，現貨價格進一步下跌至每千克120美元至140美元。根據PHOTON Consulting數據服務，Solar Updates（所有數據均為粗略估計）的資料，多晶硅的平均現貨價格†由二零零九年二月底的每千克133美元下跌至二零零九年七月底每千克約75美元。

係咁嘅情況下，會出現(1)嘅特殊情況。當然，(1)嘅情況係唔會維持得耐，始終都會回歸由幾間大企業籠斷嘅形。

Posted in: 研究