市場跟進(1)

話說五、六月個陣時油價就baba聲咁升，個股票市場就shir shir聲咁滑落嚟，個陣時要搵食嘅話(食大茶飯個隻)就put stock option，call oil，都幾和味下。成個市場，連美國證監會個邊都要查係唔係有幕後黑手係度左右油市同股市，又加大期油保證金，又開始唔準naked selloff，遲d可能實施翻限價沽空添！

嚟到七月，自從714救兩房之後，金融市場嘅風雨好似平靜左，油市亦都驚美國政府唔知玩d乜嘢而貨量減少左，所以由147落到而家124到，係唔係見頂回落，定係一次調整，無人知，亦都唔敢去估，當政府要出佢隻手時，估嚟無用。上星期到而今日，道指有兩日都跌超過200點，比起以前，油價起碼升超過5美元，而家反而1-2美元咁上落，好明顯而家唔係驚通脹，係轉左做經濟衰退，企業盈利倒退。美國政府而家無左其中一個藉口話股市人為操縱，睇下你又有咩法寶令美國經濟唔會技術上衰退呢？

下篇再講中國同香港！