八月回顧 2 及前瞻

基本因素：

1. 美國第二季gdp修正為+1.6%，比第一季三點幾回落好快。近來嘅經濟數都係差強人意，加上失業率高企，風暴中心嘅樓市仲未有好轉跡象，第三及第四季gdp都會係低增長。
2. 歐洲方面，除德國外，多數國家都係復甦緩慢，而新興歐洲國主權危機間唔中發作，拖累整體歐洲增長。
3. 中國方面，調結構係今明兩年中共政府嘅宗旨，由投資、出口主導變為雙頭馬(出口及內需；呢個過程為時不少，兼且係轉變過程中gdp增長會暫時減慢。

總結係全球經濟增長都會慢落嚟，而上半年股市都折現左呢個現實。而家中國成為全世界嘅救星，希望佢地嘅消費/內需能夠幫助本國走出金融海潚後遺症：美國、歐盟、東盟嘅出口貨開始以中國為出售地，希望以出口賺外匯去幫補本國嘅投資不足。

但當全世界都同時間做同一樣嘢，而中國本身嘅產能過剩、內需不足係唔可以一時間吸納海量嘅產出，所以愚見認為2011年前cpi唔會爆升，可能會有通縮嘅表徵出現；cpi 唔點升唔代表物價唔升，可能係食品價狂升但租金、通用品跌而令cpi未能反映當中細節；當供需平衡時，過濫嘅資金便會造成超通脹。

最後，「出得嚟行、預左要還」，希望以上嘅嘢能對你、我係投資方面有一點兒嘅啓示。

Posted in: 經濟