是trap？

以下資訊純粹個人猜測，不必當真！

上集講到美元由三用到九月下跌大約14巴仙，而市場統一咁認為佢會下跌，咁實情係唔係咁呢？

我認為美元會反彈嘅條件：
1。 美聯儲加息（甚至唔駛講出口，係聯儲聲明到係咁而提示下要警惕通脹），己經可以令到美元CARRY TRADE 平倉。
2。 收緊市場資金（琴日朝早份聲明只不過講左唔再向市場加資金，仲要同MM FUND 及 債劵商傾回購協議，未埋牙己經造成一埸小震盪）。
3。 市場避險情緒再度高漲。一連串嘅壞消息令市場相信仲有衰嘢嚟緊（如消費、CRE信貸壞賬），又或者除美國外其餘國家（歐盟）仲衰過美國嘅話，都會觸發呢個避險潮。
4。 要發國債應付赤字，提高人民消費，強美元就無可厚非。

5. 退出市場嘅動機係經濟轉穩，第三及第四季美國經濟數據會因基數問題出現曇花一現嘅上升，正正會令到好多人轉向美股、債，從而推高滙價。小心黃金會因而下跌，資源會上升。

6. 要退市成功，又唔會對市場造成太大嘅震盪，穩位樓市係重要事之一，而mbs同cre嘅市場亦都要有承接力先可以定住個息率係現水平，下年係重按嘅重要時間，所以美政府一定會想盡辦法做到。而美元嘅強勢會係其中一個條件。

另外一d嘢，不過都係做緊實驗，嘗試係恒指期權未平倉合約度睇下可唔可以推測未來幾個月嘅range。以下係小弟初步嘅想法，有咩錯處可指出，始終學習係需要多d唔同嘅觀點先會有進步。

1. 九月期權大位係20000c, 21000c, 20000p，個人估計結算價應該係206xx以下。

2. 十月期權到琴日為止，未平倉合約都未到高逄，即下個星期會係轉/開倉高峯期，對十月會有啟示。到呢一刻為止，大位係20000c同20000p，以九月頭到琴日為止，應是sp, lc或sp, sc嘅組合。兩組而言，十月應該係2000樓上。亦都因為倉位不多，估計十月會牛皮，range 會係20000-21000。

3. 講多少少，今個月開始，有大量未平倉合約係十二月嗰個月份，range好大，17000-25000。係hkex 個網站睇到，16400p成六千幾張，17000p有五千幾張，25000c都係有五千幾張，23000c亦都係五千幾張。c同p嘅張數差唔多。即係十二月會係爆上/爆落嘅月份，各位要坐穩。自己係由九月頭到琴日嘅觀察所得，傾向係爆落，大約為65/35之數，23000c同25000c諗係買保險以防轉身轉唔切。