Saturday, September 19, 2009
Jay
講得多股票，不如講下外滙。
呢排最多文章、評論講嘅都離不開「美元下跌，外幣上升」，講多無謂，睇圖最實際
只不過係六個月，美滙指數由高點89(09/03/2009)去到家下76(18/09/2009)，足足下跌左14.6%，而家似乎受制於50天線，上唔翻嘅講都係下跌居多。
講基本因素，美國無限制咁開動印鈔機，又不斷咁發國債，美元下跌正常過正常。作為一個全球最大債仔，唔想還咁多債嘅話，第一時間諗到嘅係貨幣貶值；唔單止美國係咁諗，好多投資人/投機人/對沖基金，甚至政府都係咁諗 ---http://cn.reuters.com/article/bondsNews/idCNnCN074969120090917?rpc=311?from=rss。
相反理論認為，賺錢嘅人通常係少數，而家市場一面倒咁認為美元會落入下跌循環，呢個時候係唔係玩相反呢？
從基本、技術因素去睇，點都諗唔到咩理由美元可以反彈，但可能有一樣事實會忽略左，正是美元係世界上嘅重要性。作為貿易、交易貨幣大哥，又是好多國定外滙儲備比重最大嘅貨幣，佢嘅下跌無疑會對經濟帶來大嘅影响。經濟剛剛有點兒green shoot 味道，點可以一手摧殘佢呢！相信各國會係搵到一個出路前都唔會比佢死得咁快住。
低息環境下，醒嘅會借平錢買高息資產。而家美息咁低，伯南克又話會維持低息一段時間，再加上美元前景暗淡，作為套息工具真係fit到漏油。所以市場上對沖基金將佢變左惜日嘅日元，以前日元一升，全球股市都會跌；而家升到90(兌美元)都似乎無乜反應，可見目標己經轉變左。
咁即係話，要前瞻股市，睇住美元為上策。
咁美元係咩環境/條件下會反彈呢？
3 comments:
突然宣佈取消低息和寬鬆貨幣政策, 又或是宣佈美元"backed by gold".
純熟天馬行空.
>相反理論認為，賺錢嘅人通常係少數，而家市場一面倒咁認為美元會落入下跌循環，呢個時候係唔係玩相反呢？
呢句唔一定啱，睇前兩年嗰時啲人用日圓做carry trade，真係必賺咁．．．我嗰時都有諗過，點解世上有啲咁筍（即係必賺）既投資？
我自己個答案係：迫於無奈！日本政府係知道咁做（零息）唔係一個好既貨幣政策，但係如果唔咁做，日本既經濟重死！
而家既美元，係同樣道理．．．
to richmapoorma：
到呢一刻為止，呢個可能性好微。等我思路清晰一點、再搵多d資料再寫埋下篇。
to 米搞兄：
相反理論講係好易，最難嘅係時機問題，要睇當時情況，唔可以一本通書睇到老。當年98科網泡沬，你當時走去沽空，點知升到無哂朋友，未挨到爆破時己破產。
所以，未見到勢嘅轉角位，千萬唔好做傻事。當然，會食唔到最初個一段，但食到當中七成都己滿足啦，要留翻d比人食，另外個三成風險同回報唔會比例呢！
Post a Comment