直覺

何謂黑天鵝事件？一、這是從沒有想過有可能發生而又發生了的事件；二、這些事件會帶來嚴重的負面衝擊；三、人們會為這些事件作出「事後孔明」的分析，而最 終誤導眾人認為「黑天鵝事件」其實是可測的。此本質的討論甚至已經超越了實務性的範疇，更進入了一個哲學性的討論：世事高度互動的或然率，可以計算嗎？

任憑你用嘅係幾咁勁嘅軟and硬件，個程式係幾咁周密、詳細，始終會有機會出錯，正如911、SARS、同今次嘅金融海嘯都係事前不可能預見嘅情況。

1. 911事件：以軍事武器先進而實力稱霸嘅美國，估唔到只需要幾個人加兩、三隻飛機己經可以搞到成頭煙，而之後追擊拉登嘅行動居然到而家都係無乜成果，而伊拉克個邊又唔拖唔水。

2. SARS：一開始嘅疑似感冒嘅病歷、內地有人用醋嚟消毒，係一場溫疫嘅開始。來勢洶洶嘅傳染速度同範圍超出專家嘅估計。

3. 金融海嘯：由new country financial 倒閉，貝爾斯登嘅收購，到兩房及aig嘅國有化，其實對於金融市場嘅震盪並不算是嚴重。令到一地眼鏡嘅係雷曼嘅破產，解發各方資金速離金融市場，交易對手 風險增大，導致市場上嘅資金縺斷裂，同一時間嘅衝擊加劇對市場嘅恐荒情緒。

以上嘅簡述點出左某d事係無可估計，睇上年年頭各大「專家」對上年嘅期望同分析與實際嘅落差幾大就知！

咁點解仍然有人係上年做到不蝕甚至賺錢，但大部份人係蝕錢呢？問題在於市場觸覺同執行力！

無論你做幾多功課(收市場消息、睇年報、大行報告、財經書藉等)，若沒有執行力(這類所指嘅係除左行動之外，要有一套自己嘅出入市規則，另要強制執行)，一切都係紙上談兵。

至於另一點，市場上消息多，而傳播速度嘅快，往往賺或蝕就存在係短時內解讀資訊嘅能力。

所以個人覺得除左基礎投資知識要好，EQ訓練有素外，以上兩點都係喺呢個弱肉強食嘅市場上生存嘅重要條件！