外滙(2)

續上篇之說



係我完成之後，歐羅終於爆上，升到1.4439呢個高位，係兩日之內，跌到今日嘅1.3917，有3.6%，需知道要係外滙市場(margin)計，兩日上4%，之後兩日落3.6%係何等少有，咁其間係唔係有d消息令到有咁嘅表現呢？

今次嘅急升係因為fed破天荒將基準利率定到係0-25bp嘅範圍，係息差引誘之下，美滙指數急跌，簡接今到eur食左興奮劑咁；相隔唔夠兩日，eur好 似打回原形，無他，美息咁低，又無得負利率，自不然無左減息嘅客觀條件，而相對上eur係2.5%，而經濟尚無任何起息之際，眾人自不然認為佢會減息，滙 率自不然會回落！

以上係財經佬嘅對白(學習下)，有一點發覺嘅係，影响滙率唔單單係減息咁簡單。

第一，我認為係要知道/斷估到市場嘅一致想法。好似七月美元轉勢，好多人認為美國咁印銀紙會令到美元一文不值，殊不知呢個時候，商品、除日元以外貨幣會急 跌，比起高位有30-60%嘅下跌幅度，轉勢嘅原因係各市場嘅經濟數據差，市場醒目人士己經轉移焦點係各國經濟衰退上，當大部份人都有同一種諗法時，勢己 經形成，之前醒目人士己經食飽飽，坐定定睇戲。

第二，正如上面所述，資幣強弱係相對。

最後，想吹吹下年外滙市場嘅想法：
a)美元始終會貶值，係唔係下年開始，要睇美國經濟/樓市
b)人民幣會穩定，係一個區域遊走
c)商品貨幣會同美元相反
d)gbp應該係最弱
e)eur 跟隨gpb
f)日元係折倉之下會維持強勢
g)我地嘅hkd，唉........估唔到，太容易操控，執生。

當然以上係純粹個人演繹，每季都要撿討下，並不是一定。