2011前瞻二

2011年已經過左三個星期，我睇開嘅投資blog嘅操作者(包括自己)仍然模索緊今年嘅投資主題，所以成績都跟唔上恒指。

睇翻一個月前嘅前瞻一，大致思路都算正確，可惜係睇漏左一個最重要版塊 --- 食品及農產品。由於天氣反常(北半球凍 + 乾旱、南半球水災)，導致農產品供應緊張，加上庫存需要回報，短時間內導致供不應求情況嚴重。

由食品帶動嘅通脹會開始產生通脹預期，亦會傳導致服務業通脹，造成全面通脹困局 --- 即羅+蔥成日提嘅超通脹時期。

超高流動性之下，新興國家已經率先啟動加息及限資流入等措施希望壓下通脹，郤埋下貨幣升值、資金流入及經濟放緩等後遺症。另一邊箱，美國經濟數據顯示漸入常態，溫和通脹下對資產市場特好。所以，今年歐美相關股、航運都受資金追捧，相反中國內需股郤被受冷落。

今年個人組合開局不好，除大價股外，二、三線上上落落，有一些還加速弱勢；三個星期以來，由各方資訊、自己觀察下及思考下，決定要為組合作一次大變動：

• 正如new sir 所言，「灌溉鮮花，除掉雜草」，將組合集中化，不為分散而分散，尤其是對於我這等少量資金而言；
• 加強組合互補/對沖性，除勁升/勁跌市場外，升跌比例希望控制在7:3以上；
• 自己稍為強於中線投機/資，選股價以此為依歸；

以小弟有限嘅知識，見解都唔會點獨到，所以都無謂獻醜，留待有料人士發表。最後想提嘅係今年要留意嘅風險因素：

• 歐美市場利率正常化
• 新興國滯漲危機
• 資金抽緊，拆息向上

Posted in: 投資,經濟