時事簡評

呢個blog從來都好少講政治同時事，唔係因為我唔關心呢味嘢，而係小弟係呢方面所發表嘅睇法好幼稚，唔想寫出嚟比人笑。

咁點解今次會嚟一次簡評呢？

無他嘅，純因生活太苦悶，想搵d渠道發洩下咁解啫。
---------------------------------------
繼小甜甜之後，何生嘅家族爭產案又成為城中熱話，茶餘飯後又多左一個話題。在我嚟講，何生係電視上嘅表視正如一個扯線公仔般，目中無神，講嘢要用猫紙；我在想，若果有錢之後我會變成咁，我寧願維持現狀。
---------------------------------------
港府唔比學運人士入境參加華叔嘅追思會，感性上覺得好可惜，理性上郤係一個好正常嘅結果。打工仔從來無講過可以爭取d咩，以阿爺嘅思維嚟講，唔比入境係預左，只不過打工仔一開始無話唔得，而d人懶醒咁以為有彎轉，點知.....

正所謂希望越大，失望越大，打工仔嘅態度令人誤會，咁而家咪比人上鋼上線；係呢件事上，證明打工仔真係「做好佢份工」，唔夠guts話唔比，但又話唔到事喎，上頭話咩就硬食；我也是打工仔，我好明白呢種心情。

另外，學運人士都要明白，香港係中國特區，只要唔係咩敏感嘅事，咪一國兩制lor，但係其他呢，一國兩制其實正如八萬五咁，乜仲有咩？
---------------------------------------
除左以上頭條外，仲有d濕碎嘢：

• 要留意第二波豬流感，今次專攻青年人，各位小心為上！
• 用ip4格式嘅ip address，會係今個星期用哂，要轉過去ip6格式，呢樣嘢已經係17年前開始講，點都價迫到埋身先轉。

Posted in: 吹水,生活