Saturday, September 04, 2010
Jay
遊戲開始左兩個月，證明左一樣嘢，原來要跑贏恒指都真係幾難。
開始時john嘅apple call option 係曾經風光過，但佢有先天性缺陷(時間值)，所以我覺得除非apple升到無朋友，呢隻好難會贏。
點解會選煤氣？因為我個陣時覺得個市好唔隱陣，好易左一巴右一巴，所以買d跌又唔會多，升就陪跑嘅股份。除左煤氣外，其實中電、港燈同領匯都有呢樣特性，但我斷估四叔會做下嘢咁，但現時為止佢係四隻入邊最差個隻。
其他人可以講下點解你會選呢隻。
各人嘅回答唔多唔少都透露左平時佢地嘅選股原則。例如hana姐除左基本因素之外，仲會睇埋話事人背後嘅小動作；米兄就似睇大勢居多，係當中搵隻熟嘅嚟高賣低買；鎚兄就似賭市咁；我呢就同鎚兄差唔多，考下自己眼光。
當然，之不過係遊戲嚟，可能會錯呢！可能真金百銀落注，相信會好唔同。
火兄，係呀，個遊戲係咁架。話之你升到上天，結束前一日跌到無底咁都係會輸架。調轉頭咁睇，跌到無朋友，之前個日升到ban ban 聲，一日追哂六個月嘅跌幅有突，可能會贏添。
Posted in: 吹水,投資
5 comments:
平保．．．基本信念都只係以跑嬴恒指為目標
理論上平保應該係跟隨大市上落（話晒係成份股），但佢既波幅理論上亦較大，比較適合我做貨底去做期權。
不過今次咁樣突然大升（well，其實又唔十分算，話晒都係得嗰幾個巴仙．．．除非之後真係動力加強啦！否則都唔算好有肉食），我都係估唔到既．．．
其實佢停左牌，令我冇得手痕買賣，反而可能係致勝關鍵:P
我都係賭若個市跌得返 14000-15000 點左右，我隻 2840 應該會贏晒...
半年係股票市場來講絕對係可以反天覆地嘅，想贏得多就要冒險，985絕對係老千股撿佢係因為基數低，千王之王大劉同彤叔今午6月大啦啦用2毫子一股落咗注(當時做緊＄0.35)，配完即刻大跌。哩兩個千王冇一倍半倍回報一定唔會走，唯一問題就係你唔知佢幾時爆同埋守唔守得到，炒哩啲股心理質素好緊要，要有贏就大喜樂，輸就全部冇的心理準備。
>但佢有先天性缺陷(時間值)
I forget I cannot sell when I pick it in a hurry LOL
無錯, 半年係可以翻天覆地, 但唔好忽略, 計數果一刻係12月31日. 即係話, 定輸嬴嘅方法係用12月31日嘅收市價比較7月5日嘅開市價. 所以响呢段時間裡, 任憑隻股升幾百倍都好, 如果响限期前倒跌, 一樣都係無你份.
(咦.. 乜又係咁架!)
Post a Comment