買賣回顧(七月)

月度回顧7 月指數/組合名稱       恒生指數       國企指數        組合指數/組合月底值    21,029.81        11,905.00       xxxxxxx月回報                      4.48%             3.83%          4.45%* 07/07/2010 --- 以120.8月供港交所 08/07/2010 --- 收到匯豐現金股息 09/07/2010 --- 收到太保現金股息 16/07/2010 --- 以50.5賣出比亞迪 22/07/2010 --- 以20賣出招行 27/07/2010 --- 以20.4賣出招行 27/07/2010 --- 以13.4賣出瑞聲聲學 30/07/2010 --- 以10.22賣出申洲國際 買入/賣出原因：1. 都係blog 度提出賣出比亞迪原因，不序。2. 賣出招行，純套現行為，無疑出左盈喜，但股價郤無量上升，估值偏貴(相對其他內銀)。希望日後能以較低價再買入。3. 技術圖疑似見頂，故賣出。4. 都是無量上升，琴日大成交上升>5%，賣出一半，期待下次回落買入。 總結嚟講...

Read more »

七月第四周

其實都無咩好寫，經濟、政治嘅嘢有好多人寫得好過我，而我嘅觀點又去唔到驚天地、泣鬼神境地，而家只係想留下自己思路嘅足跡。好可能下年嘅自己睇翻今年自己嘅觀點原來係咁不滯。 時事： 骨灰龕問題 --- 人係自私嘅，所以起係邊點都有人反對，咁點解決呢？辦法唔係無，睇下政府有無牙力者。但我有一個奇怪諗法，可唔可以係地底呢？ 社會壓力去到一個臨界點，近排多左流血事件。最新鮮係少年殺家人自首案，係個人問題、或是社會問題、定係兩者相交嘅現象？我都有壓力，主要係工作方面遇到，再加上自己對自己嘅要求都幾高，造成呢排脾氣唔好。(琴晚先發完第一彈) 港孩問題一早存在，只係越嚟越嚴重咁解者。筆者以前細過都唔識結鞋帶，後尾知恥又唔想煩人先自己攪，套係今日嘅情況，若果我身邊有個工人，佢會幫我做嘅話，點得嚟有動力去學呢？  經濟、投資： 上a有見底回升勢頭，而家唔係咩阻力位問題，係量。 恒指強到無朋友，量價都升，每日陰d陰d咁升一、二百點，溫水煮蛙食熊仔餅。 美股業績帶動下，都有跌定情況，但我擔心係量始終唔夠。  通脹未抬頭，金價轉而向下，中、短期都係進一退二，但估計年尾回逆轉。 油價區間整理，高沽低買最著數。 匯方面，睇實日元、加元同瑞朗，啓示性大。  傳內地基於第二季經濟放緩，會鬆手喎。一半同意，對於要打壓嘅行業，未有任何改善前，政府係唔會比你地偷到偷到雞。而家情況係地方政府同中央嘅博奕，若果地方政府資金鏈可以改由著重賣地而轉去其他渠道，政府嘅成效可以望見，到時先再講鬆手都未遲。 至於鼓勵行業，離不開內需、新能源。都有幾隻入左觀察，估值唔平，要睇到有資金流入先會小試，確立左勢後再加碼。而家會組合轉移。 最後，update最新...

Read more »

一周回顧

一周入邊太多嘢發生，我無可能記得哂咁多，淨係想寫下我仲記得嘅先： 時事、經濟、股市、政治 世界盃得主是西班牙，仲要係國際足協嘅排名升上第一，真係錦上添花。另外更加觸目嘅係神八嘅預測，呢個事實證明「波係圓嘅」，同猩猩選股結論同出一轍 信置、南豐及華置合作發展嘅「The Hermitage」開售及熱賣，但睇真d，成萬幾蚊一尺，仲要豆潤咁細，邊度值！！(睇相吧) 最低工資已經立法，我認為對最基層人士有保障。學者謂會增加失業率，持相反觀點者認為無呢個現象，一切一切都要得等實行一段時間後先可以知道個結論係點。客觀環境唔同，以外國案例去推斷香港情況太過草率。另外，究竟金額係幾多呢？勞工界話33，資方話20，我覺得兩者都太極端，太低失去立法意義，太高又會令僱主頂唔住摺埋。所以要取個平衡，26-28就差唔多。 3 嘅延伸，呢件事我最睇唔過眼嘅係外傭藉機抽水，又要最低工資喎。唔反省下自己有幾咁多「優惠」：免費住宿、伙食，淨係呢兩項都成三、四千蚊一個月，每兩年要包機票比你返去探親；而家仲想人有佢有，唔該望望自己同人點比先，人地好多都係一個人搵三、四個人嘅洗費，咩都要自己比，計計下你地好過人地幾多。只係睇到自己差嘅一面，無諗過自己原來已經係比較幸運嘅一羣，若果留在「鄉下」，仲有無今日咁風騷啦！ 「動L」出事，又話純天然中藥，但入邊居然含有致癌物，真係一Q清袋。之前仲想賣埋涼茶，睇嚟都係唔提好過提。 除左1338，2899又唔好彩，中箭受傷，今年都係無運行啦。 國際上，apple出現公關危機；其實係好少事嚟，若果同樣事係微軟身上發生，ｄ人一定唔會有咁大反應，因為慣左lor(你睇windows 同office成日都有bug)。但當事人唔同，程度都分別好大，apple 係一般人心目中係帶領潮流嘅標記，佢嘅出品質素都係有保證，點知今次搞成咁，你話點收科？ 承上，最新消息，apple 免費派膠 (http://news.yahoo.com/s/macworld/20100713/tc_macworld/iphone4caserounduppartone)，睇睇下真係幾膠。 跟住係較為詳細少少嘅中國上半年經濟數據： 今年上半年中國GDP同比增長11.1%，比上年同期加快3.7個百分點，卻沒有像往常一樣給出二季度GDP同比增速，在道瓊斯記者的追問下，二季度GDP同比增長了10.3%，相比一季度11.9%的增速，回落了1.6個百分點。 截至2010年6月末，廣義貨幣(M2)同比增長了18.46%，比5月下降了2.54個百分點；而狹義貨幣(M1)同比增長24.56%，較5月的29.9%下降了5.34個百分點。 截至2010年6月末，中國的單月新增貸款達人民幣6034億元，同比較2009年大幅下跌近61%。居民存款及貸款則分別同比上升了15.54%及18.18%。 從貸款的分類構成看，企業短期票據融資比例持續下滑，同時企業中長期貸款比例仍維持穩定水準，但居民貸款有所下降，截至2010年6月末，居民貸款額達人民幣2342.3億元，同比增長下降22.86%，環比5月下降約10.6個百分點。 截至2010年6月，中國工業增加值單月同比增長13.7%，增速較5月下降2.8個百分點。前6個月累計同比增長至17.6%，較5月環比下降了0.9個百分點。 中國的原煤生產、石油加工量以及發電量的增速下降明顯。截至2010年5月末，上述三類能源的需求分別同比大幅增長了14.27%、14.77%及19.93%。 另外，從備受關注的發電量指標來看，6月份同比增長了11.4%，相比5月份的18.9%回落了7.5個百分點，看似在大幅下滑，其實不然，正是在2009年6月，發電量才擺脫了斷斷續續八個月的負增長，從2009年5月的-2.7%攀升至2009年6月的5.2%，2010年6月發電量同比增速大幅下滑更多的是基數效應的因素。事實上，2010年6月當月的發電量高達3467億千瓦每小時，處在歷史性高位，僅比2009年12月創下的3497.8億千瓦每小時的歷史最高點略低。 ----------------------------------------------------------------------------------------------------------------------- 睇黑字又得，簡單嘅紅字都得。即係中國經濟趨援，係政府刻意造成，可惜嘅係主要針對對象(樓市)唔係好受，反而重擊中左唔少非主要對象(股市)，若果政府要必想見到樓市降溫，咁下半年嘅政策都係維持現狀，對於股市嚟講，係一個無形壓力，要向上翻嘅難度幾大。 轉型方面，內需都係搞唔起，無他嘅，社會上大部份財富都掌握係極少數入嘅手中，叫佢地區翻出嚟難度頗大，唔係一時三刻可以做到。再者，地大、架構太散，好多事上頭落嘅order，到左下面，起碼要打個七折，有陣時打五折，視乎有幾「遠」。 根據以上資料，下半年經濟都無咩突破，至於股市，除英、美外，全世界都收水，無水點舞都舞唔出咩花樣！ -------------------------------------------------------------------------------------------------------------------------p.s....

Read more »

認錯

終於要向現實/市場低頭。 今日止蝕左比亞迪，原因是： 1. 基本因素其實已經開始差(六月銷量明顯下跌，由上半年銷量可以project到佢會達唔到年初銷嘅目標銷量。) 2. 圖表方面，無論係日同周線圖都好，以大成交穿左上年九月同同今年一月嘅頸線(~52-53)，量度目標係23。我無講錯，真係23，理論上係咁睇，到唔到係另一件事。唯一不變嘅係佢由四月開始已經弱到庇。 3. 近日佢有唔少動作，又話要開拓氣車融資，又要造埋家電；另外好消息都唔升，相反一點兒壞消息就插到應，好明顯係市場唔喜歡佢。一切一切都指出今期佢唔係焦點股。 4. 今次經驗係：唔可以同股票發生感情，對於手中股票要客觀；另外，要嚴守止蝕準則，今次無守到10%嘅定位，對於自己嚟講係一次教訓！以後無論幾好嘅股都好，形勢不妙都要走為上著，留得青山在，哪怕無柴...

Read more »

無題

作為一位散仔，其實所發表嘅睇法真係好膚淺，亦都有唔少嘅錯處，往往常被市場打敗。 但都想在此作一記錄，日後若有機會回看時，可以有一點回味。 農行截飛、中行轉軚供股、傳工行都要抽水、新股破發、經濟數據放緩等都對股市係壞消息，但環球股市在一片壞消息下能上升，究竟係股市對壞消息麻目、有抗拒性，或是一次超賣下嘅反彈呢？(睇得多老曹，學左佢口吻添) 講真，我無水晶球去預測下個星期、下個月恒指會點(可以搵下保羅測下)，唯一可以做嘅係留意住一d指標來作一個參巧，從中理解下市場對未來股市、經濟睇法，而作出一個策略。當然，一定會有解讀錯嘅時候，所以都會定一個睇錯時嘅解法。即向好同向壞都要兼顧。 上述係我今年先開始嘅方法，所以仲係摸索中。 講左咁耐，讓我分享下我近排參巧嘅一d指標： 其實都POST左兩個星期，佢係ECRI。今個星期嘅ECRI： 銀行拆息(包括港元、美元、歐元)，由拆息可以推斷資金成本。 匯率(尤其日元、瑞朗)，可以反映資金風險取向。另外，可以睇埋交叉盤，呢樣較為複雜，仲係學緊。 因為歐債危機，近月都會留意歐豬、東歐國與德國國債差價，可以透露機構投資者對上述歐洲國嘅睇法。 中國數據(PMI、出入口、外匯變動) 暫時係咁多，當中無左美國數據，我認為美國數據水份太多，無乜參巧價值。可能市場會被一、兩個而作出反映，但我看的是趨勢，上升/下降趨勢間唔中作出一、兩個相反數據係好普遍，加上政府可以用唔同藉口去造條數出嚟(尤其係第一次出之後嘅修正，有陣時會好極端) 最後，送上另一幅...

Read more »

個人意見

經濟及投資 股市方面，中國及美國股市都率先破左今年嘅底，而港股郤相對上仲未穿底，可能是港股偏強；亦都可以是農行上市，有人托住；又或者托指數洗股仔。點都好，市場係唔會長時間錯價，咁跌法一定係有負面嘅嘢而我等散戶未知嘅。所以，下星期會不計價清倉，首先係弱勢股(汽車、出口相關)，至於公用同內需，會再看情況。 再細看近日下跌股份，內需相關，尤其醫藥開始變弱，係未穩定嘅情況下買入都係挨價多；而公用股郤靠穩，反映市場並非一面倒悲觀，而是為資金尋找出路。 匯市方面，美元跌，歐元、日元、瑞朗升，估計是避險資金流入(日元、瑞朗)及平淡倉行為。 債市方面，十年美價息率跌穿三厘，利率曲線變平坦，市場認為通脹風險減低，經濟增長放緩。 商品，連最強嘅金價都下跌，即資金已全面退出商品投資。 經濟方面，歐洲被主權債務纏身；美國出嘅經濟數據都顯示出增長係無政府支持下族緩，有雙底衰退風險；中國郤要冷郤經濟及作經濟轉型，令三頭車拉動變為一頭車拉動，但郤出現有心無力嘅表現；全球進入失去領頭羊嘅局面。 總括嚟講，資金從高風險資產退出，泊入所謂嘅低風險資產；而經濟前景不明朗因素體現在股市上。我嘅睇去/意見：一句話，尊重市場。正如上面說出，股市可能一時間錯價，但少有長時間錯價。A股嘅不振及美股穿底可能反映出經濟並不如我們想象中那樣好。 股市不振，息率似有還無下，資金如何處理？有的認為可以買樓，我郤認為可以不動或是買入人幣，安全性郤比投資樓市高。 趁跌市下找出下一領導股(大跌下跌少少/倒升、大跌市升得更多)或滄海遺珠&n...

Read more »

組合回顧

月度回顧 6 月 指數/組合名稱       恒生指數       國企指數        組合 指數/組合月底值    20,128.99        11,466.24       xxxxxxx 月回報                     1.84%            -0.24%         -0.43%*04/05/2010 --- 以120月供港交所 買入/賣出原因：今個月無買同賣-------------------------------------------------------------------------季度回顧 (第二季) 指數/組合名稱       恒生指數       國企指數        組合 指數/組合季初值    20,239.35        12,397.59    ...

Read more »