看誰跑得快(II)

http://www.editgrid.com/user/rsbcheng/Competition2

半年前嘅遊戲，之前每個星期都會睇下排位有咩唔同，個時覺得係無乜點變。四月之後便少去看了，大約兩個月之後，再睇翻，變左好多亦都好大。經過五月嘅洗禮，真係可以睇到「邊d係『好』股，邊d係『衰』股」。

唔知係唔係遊戲呢？好多係blog界公認為「有實力」嘅blog主選嘅股居然係跑輸恒指。可能時間太短，未能「正確」反映該股嘅潛力。但有一樣嘢可以睇到嘅係，正回報嘅股票有唔少係被市場遺忙或無人留意，甚少是增長股(看700、175便知，當然1177是例外)。

由於增長股好吸引人，通常市場都願意比一個溢價佢，所以「長遠」嚟講，佢地嘅回報好大可能會跑輸一些「價值」股。最重要的是，若果加埋當中所收到嘅股息再投資，回報可能真係好可觀。

基於以上原因，近半年嘅「實驗」終於有一個結果，投機的我輸了給投資的我。半年來，以自己真實組合作投機實驗，看誰跑得快作投資實驗，回報率已講明一切，自己都係適合價值投資，看中一個中長勢去買入股票，回報真係好過每天睇新聞、報刊、市場、圖表、高賣低買等招式。況且，除非你真係全職投機/資人，以上所花嘅時間真係好累人，但出來嘅成績是否與投入成正比呢？

所以，我決定以價值投資心態去買/賣股票，遠離一點，反而可以看清局面。當然，當出現一d大機會(股價因某些事發展而作出大幅下跌，但事件對於公司本身嘅殺傷力並非如報導咁大，如近期2688)，都會以投機心態買賣。