大檸樂

琴晚無啦啦大雨兼行雷，天氣都可以變得咁快，尤其係今年，何況係金融市場呢？

道指收市跌三百幾點，都算大，不過睇翻張陰陽燭圖，原來道指曾經跌破一萬點，跌左差唔多一千點，咁嘅情形真係千年一見，有幸係咁年青時見証到呢個情境，對日後自己心理因素唔多唔少有進步。

琴日恒指收市前大成交由19888升上二萬點樓上，收20133，比人感覺係淡倉平倉，甚至係好友開倉(不過咁睇似乎機會好細)。但經過道指嘅上沖下洗，今日開市一定係烈口，幾多唔知，現時黑期-751，adr -861，即係「正常」嘅話，一開市港股會係19272 - 19382，低過上次19400。若果真係咁，即一頂低於一頂，一底低於一底，港股無運行居多，要趁反彈減持，盡量keep cash，因為唔知係唔係仲有d我地不為人知嘅資訊係大戶掌當中，如是者，留得青出在，哪怕無柴燒。

我自己嘅策略是：開市時頭十五分鐘睇下個勢先，烈口就一定係烈口，唔掙在個一百幾十點，睇下成交同以分鐘圖睇下個十五分鐘入邊嘅高低位有無穿開市嘅高低位，若再大成交下穿低位，一定係止蝕。若果上穿，就趁反彈減持；成條死人心臟圖咁，就觀察。

講住咁多先，最後比張道指圖大家睇：

Posted in: 投資,經濟