PIIGS 債仔 對 Germany, France, Britian債主 (updated)

你都咪話唔複雜，有人話希臘係小國，對歐羅區唔會有大衝擊。但係由呢個關係圖可以睇到若果希臘defalt，唔還錢，受影響較大嘅會係愛爾蘭同葡萄牙，咁呢兩個國家嘅債券評級會被調低，從而「野」埋西斑牙。西斑牙對德國、法國同英國都幾多債下，同一時間，由於四隻豬先後被調低評級，就算好似無乜影響嘅意大利都會被拖落水，再細看之下，意大利借左法國好大筆錢下，咁遲早法國都會受到影响，連鎖反應下，成國歐洲都會面臨著解體嘅命運，所以唯一可以做嘅係唔好比小事發大，因為發大左真係會再嚟多一次金融海潚，源頭由america變成歐洲咁解！

updated

而家希臘話要緊縮赤字，但事情往往無咁順利。

• 第一，國內民眾反對佔大多數，又上街遊行，又罷工，總之係唔肯放棄現有嘅福利，係實行上有好大阻力。
• 第二，就算比你實行到，但會唔會有相反效果呢？畢老林係投資者日記比左d例子，現重列

波羅的海小國拉脫維亞(Latvia)早在希臘向歐盟／IMF求助一年半前，已接受了IMF的經援，條件是拉脫維亞必須奉行嚴厲的節約措施(IMF承認為上世紀七十年代以來最苛刻)。效果如何？拉脫維亞財赤相對GDP比率，從2008年年底接受經援以來，始終在8％水平居高不下，意味該國公共開支雖已削至「見骨」，但財政狀況毫無改善；不必專家用Powerpoint解釋，也可斷言那是分母(GDP)收縮的結果。 

第二個例子，對當前「歐豬」危機更具啟發性，因為此例涉及的國家正是五豬之一的愛爾蘭。一直留意PIIGS事態發展的讀者應該知道，愛爾蘭比希臘、西葡等國更早遭炒家「相中」。正因如此，都柏林政府於2008年已着手推行連串緊縮措施，不少論家對這種自動自覺的態度讚不絕口。 

愛爾蘭勒緊褲頭轉眼兩年，該國的財政狀況是否大有改善？很不幸，答案絕對是否定的。從附表可見，2008年愛爾蘭財赤相對GDP比率為7.3％，實施緊縮政策一年後倍增至14.3％！政府債務相對GDP情況亦一樣，2008年為43.9％，2009年升至64％！

拉脫維亞和愛爾蘭的景況說明，緊縮政策對一個國家的總體需求(aggregate demand)衝擊太大，足以抵銷節流措施對削赤的正面效用；經濟一旦因此而陷入衰退，愛爾蘭、希臘、西班牙以至在「懸空國會」下運作的英國，俱有可能一一墜進「愈窮愈見鬼」的噩夢(愈努力控制財赤，赤字愈見失控)。 

有拉脫維亞和愛爾蘭的先例在前，歐盟／IMF縱能逼得希臘認真落實各項緊縮措施，你以為希臘財赤相對GDP比率，真的可以在三年內降至3％水平嗎？

PIIGS只係頭盤，今次搞掂左(其實都係將d問題delay左，要根治嘅話，需要係政治上不正確)，唔排除下次會有同樣問題出現，分別只係個經濟體唔同。希臘咁細嘅國家都有咁大嘅影響力，我諗唔到若果萬一真係有另一更大嘅國家要去救時，會有幾大嘅震撼力！唔好忽略左除PIIGS以外嘅歐洲國家，其實德國同法國其實己經違反左歐盟條約，只不過現在focus 唔係度，睇圖最實際。

而家我最擔心嘅係，反而係美國，第一幅圖展現左PIIGS嘅外債金額，其中圓圈嘅大小係同金額成正比，今朝我搵到另一幅圖，係第一幅圖嘅part ii：

睇完之後我心都寒埋，若果美國default，呢個世界會點？

唔緊要，美國佬係超級大盜，又有咁多聰明人，實會有辦法去運行呢個ponzi scheme：製造危機，令資金避險，流入美債，以新錢還舊債。仲有一樣就係美元有組織咁貶值。

行文至此，其實唔係想嚇大家，呢d都係我係其他地方睇翻嚟嘅資料，去了解呢個宏觀世界，上面所講嘅嘢都係一路睇一路問嘅嘢，去刺激下我地係咁嘅世代之下應該點做先可以保住自己嘅財富。我而家嘅思緒都係幾亂下，暫時諗到都係要係朝陽國家(-->;中國、巴西、印尼)、朝陽行業(-->;新能源、資源、消費)搵機會。

Posted in: 經濟