Thursday, November 05, 2009
Jay
每日最唔開心嘅事情係：返工
每日最ENJOY嘅時間：早、午、晚餐
每日最唔ENJOY嘅時間：食完早、午餐
返工，放工，放假，重覆又重覆，四年了，每日如是，真係好攰，好攰。根本做唔到可以停落嚟諗嘢，只係一味向前向前，就好似一部無BRAKE嘅車子咁，唔想炒車嘅話只可以扭軚，左閃閃、右避避！我從未有過好似而家咁嘅感覺：「好想放一個長假，係屋企好，去其他地方散心也好，總之唔想諗嘢，個腦真係好攰。」加上身體差，唔知幾時會倒下（我覺得我有係睡夢中死去嘅可能性）！辭工麼？理性上話比自己知唔可以，因為無收入，支撑不起生活！於假麼？得個雞碎咁少，絕對唔夠，因為呢個長假真係唔知需要幾耐先可以令到自己再重新出發，但好肯定嘅係一定唔會係十日八日咁少！好煩，真係好煩！
過左四年了，工作對我嚟講，係一件糊口嘅工具，根本談不上喜歡！每當有人問點解會做呢份工，我都只可笑笑口說陰差陽錯咁入左嚟！再細問想做咩工時，即刻無言以對！唔係唔知點講，係連自己都唔知，有人喜歡畫嘢，可以做DESIGNER、漫畫定；有人喜歡數字，可以做會計、精算、甚至研究、教書。我呢，興趣。。。。哈哈哈，無乜嘢特別有興致去做。有D人認為讀邊科就對個番有興趣，SORRY，我對電子，電腦唔特別有興趣。車、相機、足球、電玩，通常係我呢個年紀嘅人喜歡嘅嘢，我一D興趣都無。我只可以同你講，我鍾意錢，因為無錢生存唔到，呢個就係我嘅諗法！咁樣睇嚟，我連宅男都唔配做，基本上係個機器人。心靈好空虛，個人根本唔踏實；面對著同輩，前同學，每次都唔知點咁，覺得係佢地當中自己係最差嘅一個，我係唔係好失敗呢？
Posted in: 事業
7 comments:
Jay, gimme five.
five??
我見你我心情如斯相近，何不來擊個掌？ =)
唔係呀麻，你比我經歴多咁多，都會有如斯心情？
點樣走出呢個困局呢？
我做人比你老土，會認為先揾一份自己鍾意既工先．．．
不過呢啲機會唔會無啦啦聽日就到：首先你要諗吓你想要啲咩工先（唔好話俾我知「總之要賺好多錢既工！」──呢個並唔係工種既description）
用我自己做例子，我知道自己只係一個只識「實實在在」咁去做嘢既人，所以政府工／類政府工會最啱我──揾錢唔算多，但穏定同埋比較冇咁需要好大競爭。
跟住係要用好長時去「部」呢啲工，亦先做足準備，例如會考晒有關既試（例如CRE)，亦問定啲响政府做既朋友如果見到circular請人記得通知我．．．
結果，都等左幾年，終於因緣制會揾到而家都叫做好滿意既工
嗯... 咁深。比著我，就係take action，唔守株待兔，亦唔坐以待斃，男兒志在四方，打死無怨嘛。（無信心既話...咪要培養信心囉...）
>有人喜歡畫嘢，可以做DESIGNER、漫畫定
嘿！純用興趣泥做揾工標準，真係餓死都得！
我都好鍾意畫畫，但我同時要食飯，我好明白先揾份工支持生活，興趣可以工餘先做既道理～
Post a Comment