升升升

06/05/2009 恒指16834.57

30/04/2009 恒指 15520.99

四個交易日升左1314點。由上星期開始，一直都上演緊殺熊記，而熊仔更加好似殺不死咁，不斷咁上推，最肥個隻係18300，係唔係要殺盡呢？

唔知點解，呢次好有直通車feel，每日新聞係升、升、升，究竟歷史會唔會重覆呢，定係「今次點同個次」呢？

待續......

自問，我唔係讀經濟，亦都無去修經濟學科嘅課程，所以係度所講嘅都係自己係呢兩年嚟睇書、經評、雜誌所得嘅一點個人睇法，有人可能覺得好幼稚，亦都有人覺得都係一般嘅評論，無乜特別。我無相干，因為都係個人記錄，第時睇翻（若果YAHOO無摺嘅話）可能會取笑自己以前嘅諗法係咁NAVIE。

續上一PART，恒指又到去172XX，短短兩個月就升左大約50％，令我不期然諗起直通車個次！由8月20日嘅21595升到11月1日嘅31492，都係升左大約50％，時間呢？用左54個交易日，又或者大約10個星期；到琴日為止，用左42日﹐又或者9個星期，原來今次更加瘋狂。今次究竟炒D乜嘢呢？發達國GDP倒退，發展中國家GDP減速，中國都話要保八，諗真D可能係炒RECOVER。一般股市會行先經濟六到九個月，若果市場係嚟真嘅，咁即係今年年尾到下年第一季初經濟會RECOVER，得咩？

負面因素：
1.同過往經濟衰退不同之處係今次中招係銀行系統。經濟就如一個人嘅身體結構咁，銀行係擔當心臓去提供養份（＄＄）去比其他器官（各行各業)運作，若果無血液PUMP到各功能器官，都係等死居多。就係因為咁，一日銀行未好翻，又何來RECOVER呢？
2.全球一體化令到一國嘅危機會向外擴散，你睇歐洲仲差過源頭－－－美國就知！
3.好多人話中國／發展中國家會DE－COUPLE，部份啦。以出口為主導嘅發展中國家，若無左西方嘅消費力去支持，唔死都一身傷啦！內需？唔係今日講，聽日做到，始終需要時間去轉型，過多幾年先啦！

正面因素：
1.前所未有嘅資金係咁PUMP入市場。
2.雷曼之後，各國都加上自己嘅有形之手去干預市場，想做到人為修正。
3.各國經濟指標都有穩定及轉好跡象。
4.信貸市場解凍 --- 血液流通

究竟係市場力量大定係政府彎都搞到直呢？

有個比喻幾好，股市係狗，經濟係主人，而家隻狗跑快左，而主人仲留喺個氹入邊，半邊身都未出哂，隻狗去得幾遠？條狗繩幾長都好，始終佢都要返翻去主人身邊，唯一希望嘅係返到主人身邊時，主人已經離開左個氹啦！