救市方案續談

http://jaycwc.blogspot.com/2008/10/8500.html

救市方案通過左，而家係時候估下將來會點。(以下為小弟估計，並不作為任何投資建議)

1. 美元、美債、美元資產，甚至*美股會有一段上升/興奮期。因為：

• 印銀紙救市，都要人地睇得上眼先得，唔係國債邊鬼個會買！
• 對沖基金un-wind 先前嘅carry-trade。前提係喺市場要比好高溢價先集到資，下家又比散戶贖回，係無可耐可之下，要拆翻先前借美元、日元。
• 滙率係相對嘅，歐洲而家先開始受緊credit crunch嘅傷害，相比起美國，強弱立見。亞洲靠出口，歐美消費減弱，增長會受拖累，自身嘅金融業又食左唔少嘅毒債，比歐洲唔係好好多，有可能會越嚟越差。

2. 承 1 ，以美元計價商品會下跌。最大因素係市場炒經濟衰退，商品需求回落。

講翻上面條link嘅講法，7000億美元買美國金融股資產，等到d 無市無價嘅債券有翻流通市場，今到經濟心臟(銀行)有翻血液流通(資金流)，唔駛成個body d 細胞(其他行業)壞死，係最快令到經濟復完嘅工程。當然，唔可以望好快，因為個body 係前幾年比d惡細胞(投行)破壞左個身理循環系統，要排除毒素、重新建立個系統(無哂洐生工具、回復舊時商業銀行嘅借短放長年代)係需要年幾、兩年嘅時間(睇過中醫嘅人會明)。到左個時，先前買落嘅字母產品會開始有錢賺。我當佢五折買入，去翻原價，都賺一個開，咁先前嘅財政赤字就好易比呢單deal 減少。(可能又係喺民主黨時期又有財政盈餘)

各位又點睇呢？