個人意見(Updated)

恒生指數：

二零零九年三月九日：
開市：11872.46
最高：11927.89
最低：11344.58
收市：11344.58

二零零九年十一月十八日：
開市：22974.36
最高：23099.57
最低：22645.74
收市：22840.33

八個多月上升11754.99。我識而較為人熟悉嘅有兩種調整幅度：

• 分八等份(1/8, 1/4, 3/8, 1/2, 5/8, 3/4, 7/8, 1)
• 黃金比率(0.236, 0.382, 0.5, 0.618, 1)

對於第一種，每份為1469(round up)；即調整位為：21631, 20162, 18693, 17224, 15755, 14286, 12817, 11348。琴日己穿左第一個同第二個支持位，而家向第三支持位進發。

對於第二種，調整位為：20325, 18609, 17222, 15835, 11345。琴日己穿左第一個支持位，但通常都會調整到0.382，往好咁諗，即今次調整未算嚴重；往唔好咁諗，即有機會到19855，又或者再到18609(二百五十天線)，仲有千四點跌。

呢個只係以一個長期上升浪去睇調整嘅目標，我地亦都可以係呢個上升勢中搵其中一段再計個中期調整目標係幾多(即二零零九年七月到十一月個上升浪)。
------------------------------------------------
以上只係以其中一個角度去睇下恒指可以去到咩位，並唔代表一定到，亦都無話到左目標就表示調整完成。想講嘅我地只可以用嚟作為參巧，去到調整位置時可以特別留意有無新嘅因素(資金寬鬆程度、大市氣氛、經濟實況、展望等)令大市結束調整或再向下尋底。當然，個股未必會同恒指同步，若炒股不炒市嘅話就要深入去睇個股，唔好比市場指數影响左。短期嚟講，大市可以影响個股嘅方向，但長期嚟講，股票質素先至係反映股價嘅最主要因素。
------------------------------------------------
簡評下呢幾日觀察所得：

• 基金股遭洗倉(2338, 1072, 751等)
• 先前熱炒嘅版塊輪流被洗倉(前排內銀、內房，近排家電、汽車，呢幾日到農業、航運)
• 三、四線，細價股都有好多異動
• 五十二周新低開始多過五十二周新高
• 同上年升市唔同，唔係一插到底，反而每日跌幾十至幾百點，成交無放大太多，似溫水煮蛙
• 越跌越多牛證街貨，相反熊證無乜

結論：估計係派貨，慢慢派個隻。有陣時整個小反彈再引人入局。若調整期差唔多完，應該會有以下特點：

• 大成交收鎚頭或陽蠋，之後成交縮小加小區域震盪
• 最強勢股亦都遭到洗倉
• 壞消息跌唔落
• 牛證街貨減少
• 股市新聞報章頭版

當然，都係靠估，不過會密切留意。

有咩意見可以留言討論討論！

Read more »

奧巴馬vs華爾街

奧巴馬向華爾街大行宣戰  限高風險投機 英擬效法
美國總統奧巴馬以1930年代以來最大金融監管改革方案，正式向華爾街大行宣戰。奧巴馬周四宣布限制大型金融機構進行高風險投機活動，包括禁止商業銀行進行坐盤交易。市場人士認為，這將迫使華爾街各大行放棄對基金和私募基金投資，高盛和摩根士丹利等以投資業務為主的大行，更可能重新轉為投資銀行。

奧巴馬周四在記者會上對各大銀行作出嚴厲警告，要求銀行業「說客兵團」不要到國會進行游說。他說﹕「若這些人想戰鬥，我也準備好戰鬥。」他更宣布﹕「美國納稅人永遠不再被太大而不容倒閉的銀行劫持。」

「納稅人永不再被劫持」
奧巴馬提出的新措施主要有3點，
一是限制銀行利用自身資本進行坐盤交易（proprietary trading，亦稱自營交易），即金融機構用自身資本在市場買賣，而非代表客戶執行交易，這種交易在金融危機期間為市場造成極大風險；(高盛最傷，大約有10%嘅revenue係嚟自坐盤。但而家美國政府其實同高盛有千絲萬縷嘅關係，通唔通過得成都成問題，不過班大行點會唔比d下馬威佢睇，美股連跌兩日係初步反應。呢場戲有排睇)
二是禁止銀行擁有或「資助」對沖基金和私募基金投資；(無左水喉射住，唯有係市場套現)
三是將銀行在存款方面的市場佔有率上限定為10％，此限制日後將應用於所有資產之上，變相限制銀行大力擴展業務和行業整合。(想消滅TBTF，長遠嚟講，大嘅銀行如美銀、花旗等規模會有影响，再唔可以以為自己咁大可以係存款戶上搵水魚，細嘅地區性銀行可以抬頭，對存戶嚟講係好事。)

雖然新措施未見細節，但已令市場擔心大型銀行的業務將受嚴重影響。高盛、摩根士丹利和摩根大通等股價連續兩日急挫，美股周四出現3個月以來最大單日跌幅後，昨日早段在銀行股拖累下繼續下滑。市場普遍認為高盛受到的打擊最大，因為該行每年有10％的營業額來自坐盤交易，為業內最高。

高盛大摩或變回投行
與此同時，高盛和摩根大通或需放棄部分利潤可觀的私募基金和融資業務，它們一直以自身資金支援這些高風險投資。美銀發言人稱，新措施有可能令該行減少部分業務和產品，例如是某些與客戶不相關的結構性產品、衍生工具和私募基金投資。高盛與摩根士丹利在金融海嘯後迅速變身為銀行控股公司以獲華府救濟，但有分析指新措施可能迫使它們重走投行之路。

有關措施需獲國會通過，有分析認為，在目前敵視金融業的主流民意之下，立法阻力比醫療改革低。雖然民主黨失去參議院絕對優勢，但部分共和黨人支持加強監管金融機構，包括奧巴馬大選對手麥凱恩。眾議院則已一早通過法案，授權監管機構限制金融機構業務和規模。

銀行業憂減少市場流動性
對於奧巴馬的新措施，法國、英國和德國政府表示歡迎。法國財長加拉德以「十分、十分好的前進步伐」來評論新措施，但避談法國會否追隨。英國《衛報》報道，英國政府擬仿效美國向銀行施「緊箍咒」，兩國官員將於下周開會研究有關措施。歐洲大型銀行股昨日普遍大跌。分析員指出，新措施或令在美國有業務的歐洲大型銀行盈利減少，但對業界最大威脅是，美國今年舉行中期選舉，意味監管金融業問題在未來數月將繼續發酵，帶來極大的政治不確定因素。

有分析質疑措施未必能達到預期效果，反而減少市場流動性。他們警告，受政策影響，股市、衍生產品市場以至場外交易短期內的流動性將會萎縮，因為交易活動會受延誤。代表100家大型金融機構的美國「金融服務圓桌會議」批評，新措施只會限制銀行放貸、增加風險、減少市場穩定性和創造就業。

金融時報/紐約時報/華爾街日報/彭博通訊社
http://news.mingpao.com/20100123/taa1.htm
-------------------------------------------------------------
早前內地《財經網》引述上海市金融服務辦公室主任方星海指出，上海將嘗試允許個人海外投資。報道翌日遭上海市金融辦強烈否認。不過，昨日上海市新聞辦在記者會上回答本港傳媒提問時卻表示，有關當局仍在「積極研究」上述措施，講法明顯與上海市金融辦有出入。

與金融辦聲明調子不同
上海新聞辦昨日舉行國民經濟運行及社會發展情的發布會，新聞辦發言人在回答有關個人海外投資開放的問題，表示當局正在積極研究有關政策：「據我所知他們是在積極研究當中，因為這個政策性很強，不僅是我們研究，還要通過中央的有關部門同意。所以一旦有了眉目以後，我們會即時公布。在他們沒有最後確認前，一句兩句也講不清楚。」

本周二內地媒體《財經》引述方星海表示，目前上海正嘗試做個人海外投資試點，市場憧憬這是「港股直通車」的翻版，更一度刺激港股「V彈」止跌回升。不過，翌日上海市金融辦發出措辭強烈的聲明，直斥《財經網》的報道是「無中生有」，更指方星海從未就此問題接受採訪。
http://www.mpfinance.com/htm/Finance/20100123/News/ea_eab2.htm

究竟邊句係真，邊句係假？統一d好喎！上海要成金融中心，首先要係資訊上做到話一就一，話二就二，唔係細蚊仔玩泥沙，港股之前已經被玩啦。
--------------------------------------------------------------------------------------

Read more »

技術分析 --- 檢討(23/01/2010)

http://www.editgrid.com/user/vcaretr/短線倉

1. 倉內1044偏弱，日線圖己穿五十日線五日而未能重返其上，周線圖亦都收在十周線，亦貼近保底(~53)，估計會於此水平反彈，繼續持有。(收市收在100天線之上，自三月以來都未曾觸及，可見其實係十分之弱，於保底收鎚頭，保通擴闊，slow STC 同 fast STC 都確認超賣，slow STC 慢線有向上穿快線之勢，因此維持持倉)
2. 868 成交偏弱，日線圖上，維持在十天線，亦都在保中軸上運行，但macd熊差，會待機沽出換馬。(穿左由九月拉出嚟嘅上升軌，雖則已經貼近105天線，但slow STC仲未到超賣，與上次嘅走勢唔同，應該仲有得跌，今個星期無沽出，下個星期一會沽出止蝕)
3. 1122績弱，成交縮，貼近保中軸，繼續持有。(唔駛講，技術圖差，沽出)

上周港股獨弱，加上中國加存款準備金率五十點子令恒指穿十天、二十天及五十天線，十天線向下，黃金交叉後又死亡交叉。港滙見7.76，要留意是否資金流走！(港滙已見7.77，資金有跡象流走)

中資金融股佔恒指極大比重，壓住恒指，相反二、三線股炒到飛沙走石，主要為消費、科技、電訊股，而上周熱門資源股郤冷卻下來，由於出口轉為正，入口超乎想象嘅上升，決定開始留意工業股。

------------------------------------------

重要事件

• 上海直通車傳聞(而家又好似話會積極研究)
• 奧巴馬出招對付華爾家班x弟(1. 加強監管 2. 收稅 3. 唔比坐盤)
• 中國第四季gdp達到10.7%嘅增長，全年保八，但通脹有急升之勢
• 日航破產
• 歐洲新興國有主權債務危機
• 海地大地震
• 恒指服務公司hang機
• 中銀抽水計劃

Read more »

升與跌(update)

美股升阿爺跌-->港股跌(20/01/2010)
美股跌阿爺升-->港股都係跌(21/01/2010)
美股跌阿爺跌-->港股應該跌，不過唔係跌好多，有個V型(22/01/2010)
美股升阿爺升-->港股有權跌(???)

無論係咩組合，港股都好似得到跌嘅命運，相信係資金流走有關，要再觀察。

做翻record 先，琴日以6.4入左408(葉氏代工)，根據半年業績推斷，p/e大約9倍，息率5%，中國經濟復甦，工業有翻起息，對於塗料有一定需求；除工業需求外，食品包裝、裝修都用到，相信會受惠於中央推動內需政策。

今日以4.1賣出部份1161(奧思)，收回成本，剩下零成本一手。原因估值不再便宜，加上圖表macd熊差、rsi背馳。

Read more »

檢討

今日恒指上演兩場戲，上半場殺牛，下半場殺熊，所有動物難逃一殺，非常刺激。呢個故事教訓我地，千期千期唔好玩動物！

今日實在太興奮，身在office心在market，時不時都會check下心水股到唔到價。過左上半場，先以3.85賣出奧思，再set價諗住入3968或1988，殊不知未開市阿爺已經V上，換馬唔成功，隻奧思仲要倒升！諗住買貨日變左賣貨日，對於今日表現，真係要檢討下：

1. 太貪，SET嘅價位太低，想用豆腐渣價入燒鵝肶貨。
2. 一直都難掌握換馬嘅技巧，究竟係入左先放，定係放左先入呢？
3. EQ未夠，上午個下都有少少心慌，仲係未克服到恐懼。

若果下次有咁嘅機會，要改善以上地方。

Read more »