![](//3.bp.blogspot.com/-OLOyknjcuag/TdetB9UqsvI/AAAAAAAAGrs/mz21C7KPlxg/s1600/date.png)
Saturday, February 27, 2010
![](//4.bp.blogspot.com/-7mTgV8CRH80/TdetCDV2AvI/AAAAAAAAGr0/yzdHMtNbPBU/s1600/user.png)
Jay
6 comments
上個星期買入招商銀行,點知近乎模頂。
buy @ 19.38 but close @ 19.00
![](https://lh3.googleusercontent.com/blogger_img_proxy/AEn0k_sOACptBoZon1uhMj7XXfuMX1ed70EfLIs-K-wEftVBwwxtkSzE4JtRIzs-bY56ZaFqdctl5xZ6j_s7zIZ4EGrl4rrlZis9uyvBajKW2MXffkgwXA=s0-d)
今日買入雨潤,都係差唔多最高價。
buy @ 21.6 but close @ 21.25
![](https://lh3.googleusercontent.com/blogger_img_proxy/AEn0k_umW1v9QUrX1bKz7ECMdbzOhDTABaoOOBm3rHN8tmJ7A7CzA_qvNkzMkgdG_iopno71x289G72ESMJWMzqaMOAb5fQOWBQlxdSBTmpHjqG-6ZFumMxq=s0-d)
最新消息,阿爺同我地拜早年,首先比個大禮先:由25/02/2010開始生效,存款準備金率上調五十點子。
![](https://lh3.googleusercontent.com/blogger_img_proxy/AEn0k_uwUW5XTBCck8MOqIIkBwBqBJ8GU9XX1_oKgFl-3y755yumFW12DKrBCyP6uor4S-SlT5wXt1p_TkTglqI_c_8C0_kgL4gZsMxoeksGJQRCSx20XWg=s0-d)
待續.......
過左兩個禮拜啦,上調存款準備金同美聯署上調discount window率,都對於市場唔係造成太大嘅震動,係咪市場搵到支持呢?
睇翻以上操作:
招行收市價為19.12,仲未浮上水面,但係供股詳情出左(係差供股價),消除左其中一個負面因素,而家睇第一季業績先知仲可唔可以更上一層樓。
雨潤收市價為23.1,有賺。呢次係小弟第一次用新技術走勢去買股,透過圖表確定有上升趨勢之股票,再以基本因素決定係入貨與否,希望可以有所得著。
近排少左出文,因為自己對於市場太過睇唔通,而消息嘅氾濫程度同傳言主導大市,所以都係以觀察為主。有幾點想法想提出:
- 滙市大翻天:希臘或者「歐豬」嘅財困顯露出歐盟同歐元嘅弱點,市場嘅大炒家就以呢個為攻擊點,以史無前例嘅沽空額對於歐元。但近日就算多左不利嘅消息,而美元指數再想創一年新高之際,歐元反而尋找到支持。同一時間,同病相連嘅英國同英鎊就好似食左瀉藥咁。對於呢個情況,應該係市場炒家嘅新攻擊點係英鎊,而估計歐元會有一個像樣嘅反彈;既然推唔落,反手挾淡,再追擊英鎊,實行食兩家茶禮(有點九十年代SOROS嘅FEEL)。同一時間,我斷估下一被相中嘅貨幣會係YEN。近日因年結同避因素,令到佢兌美元徘徊係88-90之間,究竟佢會唔會如羅+聰所言咁會升到45呢?我就同佢打對台,認為佢有回落嘅誘因!
- 港股無咩好講,因為太有性格,太飄忽,好難預估佢係升定跌,但相信係進入左上下震盪、炒股唔炒市階段,下一步要看咩消息會令大市以大成交上衝/下衝臨界點才會有進一步方向。而股票選擇方面,相信下一個焦點會係第一季業績,而自己中期睇好嘅版塊會係內銀、內房、食品同原油(NUMBER唔講啦,有心嘅會自己做功課,況且我咁燈,費時累人)。美股都係日升日跌,不過似乎係一萬零二百點搵到支持,但係就比一萬零五百點壓住,資金選擇界別轉換,應該係各基金對於第二季嘅步署。之於亞爺,雖然虎年開黑盤,但今週都叫做做翻紅盤,係三千點以上收市。而兩會同第一季業績公佈前席,市場都係觀望;但見到成交額開始大,可能係醒目資金偷步入市,炒兩會行情同業績火紅。
- 宏觀方面,新興國都開始收緊資金供應,除左因為經濟開始回復常態,仲有另一個因素:通脹!基於擁有健康嘅資產負債表,新興各國都唔需要面對減倩;另一方面,歐美等發達國經濟前景相比之下實在係差,去年巨額投入市場嘅救市資金便順理成章咁流入新與國。東炒西炒之下,無論商品、股市、樓市都有非比尋常嘅上升,從而產生出通脹預期。自己愚見認為今年年尾通脹會抬頭,為左壓抑呢種趨勢,各新興國都開始做嘢,慎防07年個種失控情況再出現。
- 香港樓市方面,有人話有泡,有人話無泡,我呢?以一個未上車嘅八十後嚟睇,當然係有泡!但會唔會爆係另一件事。每一場泡沫嘅爆破都係隨著「煙花」行情嘅落幕而出現,至少我現在感覺唔到那燦爛一刻嘅來臨。政府嘅保護態度、北水、資金成本低等呢D刺激之下,應該仲有一段時間先會進入高潮。至於我會唔會買樓?會,但係唔係呢一刻,至少回報同風險不成比例,買股好似贏面高D。至於有實際需要,其實樓價嘅上上落落都係賬面上嘅嘢,買入嚟住都唔會諗住賣翻出去(除非樓換樓),咁幾時買都得,最緊面係資金管理,若而家都要以人工四成以上去供樓嘅話,就要三思,因為息率嘅上升會對於供樓負擔好大影響。