七、八月回顧

對於香港股市，成交太細，易受操控，股票的升與跌可以用無厘頭去形容；係咁嘅情況下，小弟也著重利用圖表控制出入位，七月可以講係完敗，幸好八月八戰六賺，找回一點七月失地；

由於七月實在係大慘敗，原本的每月回顧也改為與八月一同推出，做下盤數，望落唔駛咁唔好睇。

對於咁嘅西市，其實都無咩好講，所以都係唔講好過講；

2012剩下三分一，呢四個月也月很多重要事件影响五市(金、股、匯、債、油)，可以睇到嘅係美國經濟慢慢復完，歐洲入左泥澤，越掙扎越下沉得越快，中國外憂內患，始乎一路向西係保命之道。

關於政治，唔想寫太多意見，我可以做的是投良心一票。

Read more »

見紅之後...出血

五窮了，六郤不絕，咁七翻身嗎？

市場最注意嘅希臘重選無驚無險下就過左關，反而鬥牛國銀行求救比左市場一個驚；琴日係德國態度軟化，比意粉同鬥牛國有一絲生機下，金、股、匯、債、油都嚟個大反擊，夾到淡友hihi。不幸的是，小弟正在risk off 及重組，渣住八成現金，加上0189業績被大洗倉下，組合嚴重跑輸指標兼出血，半年倒退兩個巴仙。

實驗證明，自己選股投資成績不堪入目，所以，小弟決定減低投股資金，另外大部分資金(80%)買2800/2828，剩下的20%持有兩三隻高息穩定增長股，以半年為準去驗證係咪適合小弟。

中資公司不斷出盈警兼調低來年業績預測，反證內地第二季經濟情況比第一季更差；而內地降rrr及減息，希望藉此穩定第三季經濟去讓領導人交接及十八大順利進行。

外圍方面，距美國大選還不到半年，而經濟數據也承接不了第一季的「強」勢，好多人睇*三色人會推QE3，但他偏偏玩OT2 extension；無他的，綜觀環球，美國真的唯獨風景唔錯，唔駛出乜口術，資金也乖乖的流入，推動本土經濟；

歐洲就不提也罷，豬仔尤如黑洞，遲早連德國也倒下，買定花生睇戲。(提外話，歐國盃四強，債主力戰三位債仔，結果被意粉債仔k out，加上係救助上又退左一步，正正係賠了夫人又折兵)

今天是回歸十五周年，也是狼英上場之時，未來五年，香港人自求多福了。(李氏力場失效係咪有d暗示？)

最後以time封面問題作結：can hong kong trust this man？

Read more »

見紅了

睇翻篇四月回顧，真係想搵窿捐。五月一日已經係五月最高點，之後跌多過升(16:6)，瓜多過菜，組合也見紅了。

歐債都講左兩年，但就鑊鑊新鮮鑊鑊金，希臘單野搞到成個世界人心惶惶，搞到資金可以比息泊入短期德債都唔想買跌到殘嘅股票，太反常啦。六月嘅改選會好影響其餘四隻豬嘅取態，繼而股、匯、債、金銀等都會跟隨大變，似乎係知道結果前渣CASH係一個最佳嘅選擇。(但我仲係七十五百仙持股)

中國呢... 三頭馬都唔掂，阿爺知道四年前大用力，而家就住就住咁鞭幾下，有反應嘅咪收下手，無反應嘅咪連口都出埋，總之唔想太過激，到時車毀人亡就唔好。

香港呢... 布就剪左，跟住想「洪洪聲」咁通過個架構改組建議，點知有少少阻滯，唯有寫下幾萬字做下宣傳，話唔改組做唔到野，太極功夫真係一流。可能見到老曾呢排幾得閒，咪再提醒各位市民老曾姓貪，順手轉移下視線，一舉兩得，何樂而不為！又又，房協賣樓，餓樓嘅市民就落定飛仔，怕「蘇州過後無艇搭」。話之你係堅抵定假抵，有做野總好過唔做野麻。

五月都已經咁窮，六月係咪絕到連條横底唔留翻比我呢？但我唔想裸泳喎，都係係淺水位置玩下堆沙好，玩翻半個月睇下有無事先游深少少似乎係一個唔錯嘅選擇。

Read more »

四月回顧

說一說投資組合，今個月大大跑輸兩指，看回操作紀錄，錯在重覆犯錯兼心理質素不定、太貼市，看來有必要離市一點。

四月大敗原因：

• 衰貪：於10.86買入0210.hk，遇它配股前太升(曾經+1x%)郤沒有賣出，看著它跌穿買入價；
• 心理質素不穩：及後回升乏力並無消息下大跌5%，於10.2止蝕；
• 偷步：睇圖見0590.hk及金價似尋底回升，買入六福；及後不如預計般，股價繼續向南，要止蝕；
• 還是偷步及太多個人主觀預測：於5.5買入南車，郤於5.8賣出，原因是季績前收十字星或陀螺，主觀認為可能是季績不好導致沽壓大，故此賣出減低風險(亦因0210.hk及0590.hk之敗績影响個人風險取向)；今日回看，極dump spring >_<
• 戒心不夠；持0189.hk比重也不少，雖知日本燈神推介，但沒有提高警覺，及後配股/大股東抽水，證明管理層有點妖，失了賣出先機；幸好管理層未能一致通過配股方案，但鬧劇引致投資者對0189.hk「另眼相看」，短期無運行。

改善地方：

• 減低主觀，靜看市場反應；
• 加強警覺，尤其是民企；
• 忌太貼市及收集過量無謂資訊，影响個人判斷；
• 若然發現losing streak，該減低操作次數，必要時提高現金比例；

========================

再說大市，相對第一季，兩指波幅收窄，平均成交減少，證明季結後基金並未大舉入股，或曰資金轉戰美股；有人說是大升前「儲氣」跡象，亦有人說是「十個牛皮九個淡」的向淡跡象；究竟五月係咪真係需要sell in may呢？看看兩指圖便知我的觀點

========================

再說點投資外的事。

特首選舉已過了一個多月，狼君亦開始著手處理當奴留下的蘇洲屎，務求在上任前拉升民望；另一方面，於組班及版權條例事件中亦透露他是強國代言人；相信今後五年「只會更不和諧」。,

Read more »

變

休筆兩個多月，今篇該是龍年的第一篇文章。

不知不覺已經過了2012年的1/4，若真的有世界末日，「剩下」的日子還有八個半月，要好好計劃怎樣充實渡過餘下的日子。

今年是政治年，很多國家也要經歷換領導班子問題，當中較為矚目的是台灣、中國、俄羅斯、法國及美國，當然少不了香港。 正所謂政不離經，自然會對經濟有影响。最好的例子該算是中美兩個：
1. 根據統計，在美國的大選年，上任為了連任，會用「有形之手」托市，利用一個良好的股市氣份，配合一個人造經濟向上假像來達成目的；
2. 承上，當連任問題定了，一切假像便無需要再修飾，醜婦終需見家翁；
3. 至於中國，因需要一個穩定環境來送舊迎新，所以一切國策或大刀闊斧改革也要待塵埃落定時才推；

基於以上三點，第三季前，美國市場該較中國好，資金會由新興體流入美國。

近日，民企問題又成為港股的焦點，只需要一點點風吹草動，下跌>20% 也是常態。問題出在哪裡？我認為是以下幾點：
1. 公司本有問題；
2. 保薦人隻眼開隻眼閉；
3. 投行推波助瀾；
4. 港交所監管不力，重量不重質；
5. 股民搵快錢心態；

作為一個以「金融中心」自居的香港，偏偏在保護小投資者方面的基本意識形態也沒有；俗一點說是「很a股化」，股票市場只不過是上市公司魚肉投資者的地方；近幾年尤甚，假數、無限次供股合股、買殼變身抽水等一連串動作，付出血汗金錢的投資者換來只是價值0.9(好似係呢個數)的股票憑證加兩行眼淚，這算那門子的金融市場，另類血汗工廠還說得去。

亦因如此，「長渣發逹」很可能不適用於港股爾；市場周期越來越短，波幅郤越來越大，加上衍生工具的推波助瀾，b&h結果可能比sit cash更糟；所以小弟的投資風格也需要「與時並進」，成為價投者眼中的投機人士，一買一賣的時間短則幾日，長則一年不到；於不同市況採取不同策略：
1. 上落市採取長炒不長渣(即對單一對象炒波幅)；
2. 單邊升市就坐定定，取強捨弱；
3. 單邊跌市便渣茄殊食花生；

三點說起來容易，要做到郤極難；多數人用畢生時間也找不到當中竅門；有些人以為找到竅門，郤原來是自己好運而已；只有極少數人能運用自如，從股海中拿走該拿的。

小弟極可能是最前者，但若然看著金錢貶值而不作出反抗，結果可能好不了多少，那不如試試能否「單車變摩托」。 

Read more »